Die vrloreni Gäns!

Rudolfer Schtickle vrzehlt in Schwowisch vum Heckschtr Michl

Weil Rudolf so negscht an dr Theiß un bei uns so vill Wassr war, hann vill Leit sich Gäns ghall, weil s´die Feddre g´braucht ha, for ihre Mädle gin, wann die Gheirat han. Die Gäns sin morj´ds noo m fiedre u die Gass g´trieb un ow´ds widdr in d´ Hoff g´loßt gin. Weil uf dr Gass khe Wassr war, sin die Gäns an die Theiß gang, dort war Wasser g´nuch for bade. Oft sin ´s ach iwr di Theiß gschwumm un sin in die Titeler Feldr fresse gang. Des hat deni Titeler net g´paßt. Ihre Schereschanr han no die Gäns ins Gemeindehaus g´trieb, wu mr s´no auslese hat misse. Des hat mr gsiehn, wann ow´ds die Gäns net hemmkumm sin. No war mr sichr, daß s´in Titel g´phennt ware, un mr s´dort abholle hat kenne.

Es ware Leit, di weidr vun dr Theiß wech g´wohnt han. Die han am Brunne a Phuddllacke ghat, wu immr Wassr drin war, so daß sich ihre Gäns ach bade han kenne.

D´Millerhanse Klos un sei Weib, die han vier Gäns un a Ganausr ghat. Sie han die Gäns morj´ds uf die Gass g´loßt, un die sin immer ow´ds hemmkumm. Es war domols a trukeni Zeit. S´hat schun lang nimmr g´reent ghat. Uf eemol sin ihre Gäns ow´ds net hemmkumm. Sie warte und warte, die Gäns kumme net hemm.

Sei WEib s Susi, is am anre Taa uf Titel schaue gang, ob s´dort sin. In Titel ware khe g´phennti Gäns. So han s´weidr warte misse, awr die Gäns sind nimmer kumm.

Uf eemol morj´ds wie s´ufgschtan ware, schreit d´Ganausr nor allen do. Wie der ausgschaut hat! Der war g´roppt un ganz nackich. Es hat gleich d´Klos g´ruft. Der is kumm. Die han d´Ganausr gfang, uns gsiehn, daß ´r a Zedl am Hals henge hat. Uf m Zedl war gschrieb: "Gut morjed Veddr Klos, ich kumm ganz nachikc und bloß, am Hals han ich d´Todeschein vun mei vier Kumrade, die sin schun alli g´brade."

Es hat alles Jomre, Schenne un Fluche nix g´nutzt. Die Gäns ware fort, die han nimmr hemmkumme kenne. Was mit ne passiert ist, hat mr g´wißt. Awer wer s´gess hat, des is net raus kumm.